తలైవి జయలలిత రాజకీయ జీవితం వేరు … సినిమా జీవితం వేరు. రాజకీయాల్లో గట్టి కృషి చేసి ఆమె నంబర్ వన్ పొజిషన్ కి చేరుకొని తమిళనాడుకి ముఖ్యమంత్రి అయింది. సినిమాల్లో కూడా జయ తక్కువేమికాదు. తమిళ .. తెలుగు నంబర్ 1 హీరోయిన్ గా ఒక వెలుగు వెలిగారు. తెలుగు తమిళ సినిమాల్లో తన సత్తా చాటుకున్నారు.
చిన్నతనంలోనే భరతనాట్యం నేర్చుకున్న జయలలిత చాలా ఫాస్ట్ గా డాన్స్ చేసేది. తెలుగు సినిమాల్లో ఆమెకు నృత్య ప్రధానమైన పాటలు పెట్టేవారు. పాత సినిమాలు చూస్తే ఆ విషయం ఇట్టే తెలిసిపోతుంది. ఆమెలోని నటిని పూర్తిగా ఎలివేట్ చేసే పాత్రలు రాకపోయినా ఇచ్చిన పాత్రకు న్యాయం చేసేది. ఆమె హావభావాలు చాలా సహజంగా ఉండేవి. నాట్యం తో పాటు జయ చిన్నప్పుడే సంగీతం కూడా నేర్చుకుంది.
You might also like
జయలలిత మంచి గాయని అనే విషయం చాలామందికి తెలీదు. జయలలిత తమిళ, తెలుగు సినిమాల్లో చాలా పాటలు పాడి తన ప్రతిభ చాటుకున్నారు.తెలుగు లో ఎన్టీఆర్ తో కలసి నటించిన ఆలీబాబా 40 దొంగలు సినిమాలో జయలలిత కథానాయికి. ఆ సినిమాలోనే జయలలిత తొలిసారిగా తెలుగులో ఒక పాట పాడారు..
ఆలీబాబా 40 దొంగలు సినిమా అప్పట్లో సూపర్ హిట్ మూవీ గా పేరు తెచ్చుకుంది . కాసుల వర్షం కురిపించిన ఆ సినిమాకు జానపద బ్రహ్మ బి. విఠలాచార్య దర్శకత్వం వహించారు. ఈ సినిమాలో ‘చల్ల చల్లని వెన్నెలాయే అనే’ మధుర గీతాన్ని జయలలిత స్వయంగా ఆలపించారు. జయ స్వయంగా అడిగి పాడిందా ? లేక ఘంటసాల మాస్టారు కావాలని పాడించారో తెలీదు. సినిమాలో ఆ పాటకు ఆమె అభినయించారు.
ఈ పాటకు ఘంటసాల మాస్టారు సంగీతం అందించారు. తమిళంలో కూడా జయ చాలా పాటలు పాడారు. ఆమె పాడిన తమిళ ..తెలుగు పాటలు వినాలనుకుంటే యూట్యూబ్ లో వీడియోస్ ఉన్నాయి.. వినవచ్చు.
Discussion about this post