చాలా మందికి ఇడ్లీ, దోశ తిని బోర్ కొడుతుంది. అందుకే చాలా మంది హోటళ్లలో ఊతప్పాన్ని ఆర్డర్ చేసుకుని ఆస్వాదిస్తారు.

అయితే, ఇంట్లో ఊతప్పం తయారు చేసుకునేటప్పుడు కొంచెం కష్టంగా ఉంటుంది. ఊతప్పం బయటకి బాగా కనిపించినా లోపల సరిగ్గా ఉడకదు. అంతేకాకుండా పిండి పిండిగా ఉంటుంది. అయితే, కొన్ని చిట్కాలు ఫాలో అయితే ఇంట్లోనే హోటల్ స్టైల్ ఊతప్పాన్ని తయారు చేసుకోవచ్చు.

చాలా మంది ఇళ్లల్లో ఇడ్లీ, దోసె వంటి టిఫెన్లు తినడానికి ఆసక్తి చూపుతారు. అంతేకాకుండా చాలా మంది ఇళ్లల్లో ఎక్కువగా చేసుకునేది కూడా ఈ టిఫెన్స్‌యే. ఇక, ఉదయాన్నే ఊతప్పాన్ని కూడా చాలా మంది తింటుంటారు. ఊతప్పాన్ని చూడగానే ఎప్పుడెప్పుడూ తినాలా అని అనిపిస్తుంది. చాలా మంది రెస్టారెంట్ స్టైల్ ఊతప్పాన్ని కోరుకుంటారు. హోటల్‌లో ఉల్లిపాయలు, మిర్చి, టమాటాలు, జీలకర్ర వంటి వేసి తయారు చేసి సర్వ్ చేస్తారు.

ఈ ఊతప్పం చూడడానికి అందంగా ఉంటుంది. అలాంటి ఊతప్పాన్ని మనం ఇంట్లోనే తయారు చేసుకోవచ్చు. కొన్ని చిట్కాలు ఫాలో అయితే క్రిస్పీ ఊతప్పాన్ని ఇంట్లోనే తయారు చేసుకోవచ్చు. పైపింగ్ పాట్ కర్రీ అనే యూట్యూబ్ ఛానెల్‌లో ఈ రెసిపీని షేర్ చేశారు. ఇంట్లోనే రెస్టారెంట్ స్టైల్ ఊతప్పాన్ని ఎలా తయారు చేసుకోవాలో ఇప్పుడు చుద్దాం.

కావాల్సిన పదార్థాలు

1. దోశ పిండి – మూడు కప్పులు
2. ఉప్పు – ఒక టీస్పూన్ (పిండి కిణ్వ ప్రకియ అప్పుడు యాడ్ చేయకపోతే ఇప్పుడు జోడించండి)
3. తరిగిన ఉల్లిపాయలు – ఒక కప్పు
4. ముక్కలుగా కట్ చేసిన టమాటా – ఒక కప్పు (టమాటా గట్టిగా ఉంటే మంచిది)
5. పచ్చి మిరపకాయలు – రెండు నుంచి మూడు
6. కొత్తిమీర – రెండు నుంచి మూడు టేబుల్ స్పూన్లు (కట్ చేసింది)
7. నూనె లేదా నెయ్యి – 2-3 టేబుల్ స్పూన్లు
8. క్యాప్సికమ్, క్యారెట్ ముక్కలు కూడా ఊతప్పంపై వాడుకోవచ్చు.

ముందుగా పిండిని చెక్ చేయండి

మెత్తటి ఊతప్పం కోసం సరైన స్థిరత్వం ముఖ్యం. ఊతప్పం కోసం పిండి చాలా పల్చగా లేదా మందంగా ఉండకూడదు. పిండి పాన్ మీద పోసినప్పుడు నెమ్మదిగా వ్యాపించే విధంగా ఉంటుంది. పిండి చాలా పల్చగా ఉన్నా, మందంగా ఉన్నా ఊతప్పం సరిగ్గా రాదు.

సరైన ఊతప్పం కోసం పిండి యొక్క కిణ్వ ప్రక్రియ చాలా ముఖ్యమైన దశ. బియ్యం, మినపప్పుతో చేసిన పిండిని కనీసం 8 – 10 గంటలు వెచ్చని ప్రదేశంలో ఉంచండి. బాగా పులిసిన పిండి కొద్దిగా మెత్తగా ఉంటుంది. చిన్న గాలి బుడగలు కనిపిస్తాయి. పిండి ఇలా ఉంటే ఊతప్పం మెత్తటి ఆకృతిని పొందుతుంది.

మృదువైన ఆకృతి కోసం అటుకులు

మృదువైన ఆకృతి కోసం, మీరు పిండికి 1-2 టేబుల్ స్పూన్ల నానబెట్టిన అటుకుల్ని జోడించవచ్చు. అటుకుల్ని యాడ్ చేయడం వల్ల ఊతప్పం మెత్తగా, క్రిస్పీగా ఉంటుంది.

కిణ్వ ప్రక్రియ తర్వాత పిండిని ఎక్కువగా కదిలించకుండా జాగ్రత్త వహించండి. ఎందుకంటే ఇది లోపల చిక్కుకున్న గాలిని విడుదల చేస్తుంది. దీంతో, పిండి సరిగ్గా పులియదు.

పాన్ సరైన ఉష్ణోగ్రతలో ఉండాలి

సరైన ఊతప్పం కోసం అట్ల పెనం లేదా పాన్ ఉష్ణోగ్రత చాలా ముఖ్యం. ఇది మీడియం వేడిగా ఉండాలి. అధిక వేడి మీద కుక్ చేయడం వల్ల ఊతప్పం బయట కాలినట్టు ఉంటుంది. లోపల ఉడకకుండా ఉంటుంది. ఆవిరి ఏర్పడటానికి, ఊతప్పం ఉబ్బడానికి పిండిని జోడించిన తర్వాత వెంటనే పాన్‌ను మూతతో కవర్ చేయండి.

చివరగా ఫాలో అవ్వాల్సిన ప్రాసెస్

• పిండి పాన్ మీద పోసిన వెంటనే ఉల్లిపాయలు, టమోటాలు, బెల్ పెప్పర్స్ లేదా పచ్చిమిర్చి వంటి కూరగాయలను వేసి గరిటె సాయంతో వాటిని ప్రెస్ చేయండి. ఈ టెక్నిక్ ఊతప్పానికి కూరగాయలు బాగా అంటుకునేలా చేస్తుంది. ఊతప్పం విరగకుండా నిరోధిస్తుంది.
• పిండి సరిగ్గా పులవకపోతే చిటికెడు బేకింగ్ సోడాను జోడించవచ్చు. అయితే, ఎక్కువగా వాడటం వల్ల రుచి చెడిపోవచ్చు.
• అంచులకు కొద్దిగా నూనె లేదా నెయ్యి రాయండి. ఇలా చేయడం వల్ల ఊతప్పం అడుగున మృదువుగా, క్రిస్పీగా ఉంటుంది.
• పై భాగం బాగా కాలినట్టు ఉంటే.. వెంటనే రెండో వైపు తిప్పి కాల్చండి. ఈ సులభమైన చిట్కాలతో ఇంట్లోనే హోటల్ స్టైల్ ఊతప్పంను తయారు చేసుకోవచ్చు. వేడి వేడి చట్నీ లేదా సాంబార్‌తో ఊతప్పాన్ని సర్వ్ చేసుకుని ఆస్వాదించవచ్చు.

గమనిక

ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించడం జరిగింది.

Follow for more updates