ప్రకృతి అంటేనే …ఎన్నో అద్భుతాల సమ్మేళనం. నిత్యం పొగలు గక్కే నది కూడా ఆ అద్భుతాలలో ఒకటి… ఈ బాయిల్డ్ రివర్ దక్షిణ అమెరికాలోని పెరువియన్ అమెజాన్ రెయిన్ ఫారెస్ట్లో ఉంది. ఇది అమెజాన్ నదికి ఉపనది కూడా. ప్రపంచంలో మరుగుతున్న నది ఇదొక్కటే. దీని పేరు షానయ్-టింపిష్కా. ఆ నది కథేమిటో చూద్దాం.
ఈ బాయిల్డ్ రివర్ ప్రపంచ వింతల్లో ఒకటి . నిజానికి ఇది లా బొంబా నదిగానే ప్రసిద్ధి చెందింది. ఇది సుమారు 6.4 కిలోమీటర్లు పొడవుంటుంది. ఈ నది నీటి ఉష్ణోగ్రతలు 212 డిగ్రీల ఫారెన్హీట్ స్థాయిలో ఉంటాయి. ఇలా ఈ నది ఎందుకు నిత్యం మరుగుతూ పొగలు గక్కుతూ ఉంటుంది అనేది ఓ అంతు పట్టని మిస్టరీ.
You might also like
అక్కడ ఉండే రాతినేలల్లో విపరీతమైన వేడి ఉండటంతో ప్రవహించే నీరు వేడెక్కి మరుగుతుందని చెబుతుంటారు. మరికొందరూ భూ ఉష్ణోగ్రత కారణంగా అని అంటారు. మరి మిగతా నదులు అలా లేవు కదా… కేవలం ఈ నది ఇలా ఎందుకు ఉందని? చాలా మంది మదిని తొలిచే ప్రశ్న. దీనికి గల కారణం గురించి ఇప్పటివరకు ఎవ్వరూ చెప్పలేకపోయారు. కొన్ని పరిశోధనలు జరిగినా కారణాలు కనుగొన లేకపోయారు. ఈ మరుగుతున్న నది నీటిలో ఏవైనా పడితే క్షణాల్లో ఉడికిపోతాయి. ఈ నది నీటిలో చేతులు పెడితే అంతే సంగతులు. అప్పుడప్పుడు ప్రమాదవశాత్తూ పక్షులు నీటిని తాగబోయి మరణించాయని స్థానికులు చెబుతుంటారు. ఈ నదీ జలాలలో ఎన్నో ఔషధ గుణాలు ఉంటాయని, ఇవి ఎన్నో వ్యాధులను నయం చేస్తాయని స్థానికులు అంటారు.
అందుకే ఈ ప్రాంతానికి జనాలు తాకిడి ఎక్కువగా ఉంటుంది. ఇక పర్యావరణ ప్రేమికులు ఇలా పర్యాటకులు ఈ సహజ సిద్ధ ప్రకృతి అద్భుతాల వద్దకు వస్తే . అవి కూడా కాలుష్యానికి గురవుతాయని తీవ్ర ఆందోళన వ్యక్తం చేస్తున్నారు. సహజసిద్ధమైన ఈ నది ని రక్షించడం కోసం పర్యాటకుల తాకిడిని తగ్గించేలా ఇప్పటికే పలు ఆంక్షలు విధించే యత్నాలు ముమ్మరంగా సాగుతున్నాయి.
Discussion about this post