അല്മുക്താദിര് ജ്വല്ലറി ഗ്രൂപ്പിന്റെ സംസ്ഥാനത്തെ 30 കടകളില് ആദായനികുതി വകുപ്പിന്റെ റെയ്ഡ്. വന് തോതില് കളളപ്പണം വെളിപ്പിച്ചെന്നാണ് ആദായ നികുതി വകുപ്പിന്റെ കണ്ടെത്തല്. കേരളത്തില് മാത്രം 380 കോടി രൂപയുടെ നികുതി വെട്ടിപ്പാണ് കണ്ടെത്തിയത്. ഇന്കം ടാക്സ് ഇന്വെസ്റ്റിഗേഷന് വിഭാഗത്തിന്റെ റെയ്ഡ് തുടരുകയാണ്. ഇന്കംടാക്സ് ഇന്വെസ്റ്റിഗേഷന് തിരുവനന്തപുരം യൂണിറ്റാണ് റെയിഡ് നടത്തിയത്.
മണിച്ചെയിന് മാതൃകയില് അല്മുക്താദിര് കോടികള് കൈപ്പറ്റിയെന്നാണ് കണ്ടെത്തല്. ഇത് വ്യക്തിപരമായ ഇടപാടുകള്ക്ക് ഉപയോഗിച്ചെന്നും തിരിച്ചറിഞ്ഞിട്ടുണ്ട്. വിദേശത്തേക്ക് 50 കോടി കടത്തി. ദുബായില് നിരവധി നിക്ഷേപങ്ങള് നടത്തി. ഇതൊന്നും ആദായ നികുതി റിട്ടേണില് രേഖപ്പെടുത്തിയിട്ടില്ല. പഴയ സ്വര്ണം വാങ്ങിയതിന്റെ മറവിലായിരുന്നു തട്ടിപ്പുകള് നടന്നത്. മുംബൈയിലെ ഗോള്ഡ് പര്ച്ചേസ് സ്ഥാപനമായ യുണീക് ചെയിന്സ് എന്ന സ്ഥാപനത്തിലും പരിശോധന നടന്നു. അല്മുക്താദിറുമായി നടത്തിയ സ്വര്ണക്കച്ചവടത്തില് 400 കോടിയുടെ തിരിമറി കണ്ടെത്തി.
Discussion about this post