ഇന്ത്യയില്‍ ശതകോടീശ്വരന്മാര്‍ കൂടുതല്‍ കൂടുതല്‍ സമ്പന്നന്മാരായി മാറുന്നതായി റിപ്പോര്‍ട്ട്. കഴിഞ്ഞ പത്ത് വര്‍ഷത്തിനിടെ ഇന്ത്യയിലെ ശതകോടീശ്വരന്മാരുടെ എണ്ണം 185 ആയതായും ഇത് 123 ശതമാനം വര്‍ധനയാണെന്നും യു.ബി.എസിന്റെ റിപ്പോര്‍ട്ടില്‍ പറയുന്നു. കുടുംബ ബിസിനസുകളുടെ മുന്നേറ്റവും ഇന്ത്യയുടെ ദ്രുതഗതിയിലുള്ള വളര്‍ച്ചയുമാണ് ഇതിന് പിന്നിലെന്നാണ് വിലയിരുത്തല്‍. ആഗോളതലത്തില്‍ ശതകോടീശ്വരന്മാരുടെ സമ്പത്തില്‍ യു.എസിനും ചൈനക്കും പിന്നില്‍ ഇന്ത്യ മൂന്നാം സ്ഥാനത്താണ്.
ഇന്ത്യയിലെ ഫാര്‍മ, എഡ്യുടെക്, ഫിന്‍ടെക് തുടങ്ങിയ മേഖലകളിലെ സംരംഭങ്ങളാണ് ഇതിന് പിന്നിലെന്നാണ് റിപ്പോര്‍ട്ട് പറയുന്നത്. ലോകത്തൊട്ടാകെയുള്ള ശതകോടീശ്വരന്മാരുടെ ആസ്തിയില്‍ ഒരു വര്‍ഷത്തിനിടെ 17 ശതമാനമാണ് വര്‍ധനവുണ്ടായത്. എണ്ണമാകട്ടെ 2,544ല്‍നിന്ന് 2,682ലെത്തുകയും ചെയ്തു. ആസ്തി 12 ലക്ഷം കോടി ഡോളറില്‍നിന്ന് 14 ലക്ഷം കോടി ഡോളറായി.
Discussion about this post