‘ഒരു രാജ്യം, ഒരു തിരഞ്ഞെടുപ്പ്’ ബില്ല് പാർലമെൻ്റിൻ്റെ ശീതകാല സമ്മേളനത്തിൽ തന്നെ ലോക്സഭയിൽ അവതരിപ്പിക്കാനൊരുങ്ങി കേന്ദ്ര സർക്കാർ. കഴിഞ്ഞ ദിവസം കേന്ദ്രമന്ത്രിസഭാ യോഗം അംഗീകാരം നൽകിയ ബില്ല് നിയമമന്ത്രി അർജുൻ റാം മേഘ് വാൾ തിങ്കളാഴ്ച പാർലമെന്റിൽ അവതരിപ്പിക്കും.
രണ്ടാം മോദി സർക്കാരിൻ്റെ അവസാനഘട്ടത്തിലാണ് ലോക്സഭാ- നിയമസഭാ തിരഞ്ഞെടുപ്പുകളും തദ്ദേശതിരഞ്ഞെടുപ്പുകളും ഒന്നിച്ച് നടത്താൻ ലക്ഷ്യമിട്ടുള്ള ഒരു രാജ്യം ഒരു തിരഞ്ഞെടുപ്പ് ആശയം ബി.ജെ.പി. മുന്നോട്ടുവച്ചത്. പഠിച്ച് റിപ്പോർട്ട് സമർപ്പിക്കാൻ മുൻരാഷ്ട്രപതി രാംനാഥ് കോവിന്ദ് അധ്യക്ഷനായ സമിതിക്ക് 2023 സെപ്‌തംബറിൽ രൂപംനൽകുകയും ചെയ്തു. ആറുമാസംകൊണ്ട് സമിതി റിപ്പോർട്ട് സമർപ്പിച്ചു. തിരഞ്ഞെടുപ്പുകൾ ഒന്നിച്ച് നടത്തിയാൽ രാജ്യം വലിയ സാമ്പത്തിക കുതിപ്പ് കൈവരിക്കുമെന്ന നിരീക്ഷണമാണ് പ്രധാനമായും മുന്നോട്ടുവച്ചത്.
Discussion about this post