കണ്ണൂർ കലക്ടറുടെ മൊഴി തള്ളി എ.ഡി.എം. നവീൻ ബാബുവിൻ്റെ ഭാര്യ.
‘കലക്ടർ പറയുന്നതെല്ലാം നുണയാണ്. കലക്ടറുമായി നവീൻ ബാബുവിന് ആത്മബന്ധമൊന്നും ഉണ്ടായിരുന്നില്ല. അതുകൊണ്ടുതന്നെ കലക്ടറോട് നവീൻ ഒന്നും തുറന്നുപറഞ്ഞിരിക്കാൻ സാധ്യതയില്ല. അദ്ദേഹത്തിന് കാര്യങ്ങൾ പങ്കുവെക്കാൻ പറ്റുന്ന വ്യക്തിയായിരുന്നില്ല കലക്ടർ. കലക്ടറുടെ വാക്കുകൾ വിശ്വസിക്കുന്നില്ല. അദ്ദേഹത്തിന്റെ മൊഴി സംശയകരമാണ് എന്നും നവീൻ ബാബുവിൻ്റെ ഭാര്യ മഞ്ജുഷ മാധ്യമങ്ങളോട് പറഞ്ഞു.
പെട്രോൾ പമ്പ് തുടങ്ങാൻ എ.ഡി.എം കെ. നവീൻ ബാബുവിന് കൈക്കൂലി നൽകിയെന്ന ആരോപണത്തിൽ ജില്ലാ കലക്ടർ പൊലിസിന് നൽകിയ മൊഴിയിൽ വിജിലൻസ് അന്വേഷണം നടത്താൻ നേരത്തെ തീരുമാനിച്ചിട്ടുണ്ട്.
തെറ്റുപറ്റിയെന്ന് നവീൻ ബാബു പറഞ്ഞതായി കലക്ടർ അരുൺ കെ. വിജയൻ പൊലിസിന് മൊഴി നൽകിയിരുന്നു. മൊഴി കോടതി തള്ളിയെങ്കിലും കൈക്കൂലിയുമായി ബന്ധപ്പെട്ടുള്ള അന്വേഷണം നടത്തുന്ന കോഴിക്കോട് റേഞ്ച് വിജിലൻസ് സ്പെഷൽ സെൽ ഇക്കാര്യം വിശദമായി പരിശോധിക്കാനാണ് തീരുമാനം.
Discussion about this post