വാർഡ് വിഭജന പ്രക്രിയ പൂർത്തിയാകുമ്പോൾ തിരുവനന്തപുരം കോർപ്പറേഷനിൽ 101 വാർഡാകും. ശരാശരി 4100ലധികം വീടുകൾ ഒരു വാർഡിൽ വരുന്ന രീതിയിലാണ് അതിർത്തി നിശ്ചയിച്ചത്. ഇതുപ്രകാരം 100 വാർഡുള്ള തിരുവനന്തപുരം കോർപറേഷനിൽ 101 വാർഡ് വരും. വാർഡ് വിഭജനം പൂർത്തിയാകുമ്പോൾ നിലവിലെ എട്ട് വാർഡുകൾ മറ്റ് വാർഡുകളിൽ ലയിക്കും. കൂടാതെ ഒമ്പത് വാർഡു കൾ പുതുതായി രൂപീകരിക്കപ്പെ ടും. വീടുകളുടെ എണ്ണത്തിൽ കൂടുതലുള്ള കഴക്കൂട്ടം മേഖലയിലെ വാർഡുകൾ അതിർത്തി നിർണയത്തിൽ പുതുതായി കൂട്ടിച്ചേർക്കപ്പെട്ടിട്ടുണ്ട്. ബീമാപ്പള്ളി, ബീമാപ്പള്ളി ഈസ്റ്റ് എന്നീ വാർഡുകളെ ഒന്നാക്കുകയും ചെയ്തു
തദ്ദേശസ്ഥാപനങ്ങളുടെ വാർഡ് പുനർവിഭജന റിപ്പോർട്ട് കോർപറേഷൻ സെക്രട്ടറി എസ്.ജഹാംഗീർ തെരഞ്ഞെടുപ്പ് കമ്മീഷൻ വെബ്സൈറ്റിൽ സമർപ്പിച്ചു. വാർ ഡുകളിലെ ജനസംഖ്യ, വീടുകളുടെ എണ്ണം, അതിർത്തി തുടങ്ങിയ വിവരങ്ങളുടെ സർട്ടിഫിക്കേഷൻ നടപടികൾ പൂർത്തീകരിച്ചുവരികയാണ്. തിങ്കളാഴ്ചക്കകം വിവരങ്ങൾ പൂർണമായും വെബ്സൈറ്റിൽ ഉണ്ടാകും. വാർഡ് വിഭജന കമ്മീഷൻ നിർദേശങ്ങൾ പ്രകാരം ശാസ്ത്രീയമായ രീതിയിലാണ് അതിർത്തി നിർണയം നടന്നത്.
Discussion about this post