സംസ്ഥാനത്ത് സ്വര്‍ണവില കുതിച്ചുയരുന്നു. ഇന്ന് 160 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 58,400 എന്ന സര്‍വകാല റെക്കോര്‍ഡിലെത്തി. ഒരു ഗ്രാം സ്വര്‍ണത്തിന് 20 രൂപ വര്‍ധിച്ച് 7300 രൂപയായി.
ഈ മാസം ആദ്യം മുതല്‍ സര്‍വകാല റെക്കോര്‍ഡിലായിരുന്നു സ്വര്‍ണവില. ഒക്ടോബര്‍ ഒന്നിന് 56,400 രൂപയാണ് രേഖപ്പെടുത്തിയത്. 56,960 രൂപയായിരുന്നു ഒക്ടോബര്‍ നാലിലെ വില. ഇതുവരെയുള്ള ഏറ്റവും ഉയര്‍ന്ന നിരക്കായിരുന്നു ഇത്. 5, 6, 12,13, 14 തീയതികളില്‍ വില 56,960 രൂപയിലെത്തി. ഒക്ടോബര്‍ 16നാണ് 57000 കടന്നത്. ശനിയാഴ്ച 58000വും കടന്നു. ഒക്ടോബര്‍ 10ന് രേഖപ്പെടുത്തിയ 56,200 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്.
Discussion about this post