കേരളത്തില് എല്.ഡി.എഫിന് പ്രതീക്ഷിച്ച വിജയം നേടാനായില്ലെന്നും 2019 ലേതിന് ഏറെക്കുറെ സമാനമായ ഫലമാണ് ലോക്സഭാ തിരഞ്ഞെടുപ്പില് ഉണ്ടായതെന്നും മുഖ്യമന്ത്രി പിണറായി വിജയന്. സര്ക്കാരിനെതിരെ സംഘടിതമായി നടക്കുന്ന കുപ്രചരണങ്ങളെ പ്രതിരോധിക്കാനും ജനങ്ങള്ക്കുള്ള തെറ്റിദ്ധാരണകള് നീക്കാനുമുള്ള ശ്രമങ്ങളും ശക്തമാക്കും. ജനവിധി അംഗീകരിച്ചും ആഴത്തില് പരിശോധിച്ചും ആവശ്യമായ തിരുത്തലുകള് വരുത്തിയും സംസ്ഥാന സര്ക്കാരിന്റെ പ്രവര്ത്തനങ്ങള് കൂടുതല് മികവോടെ നടപ്പാക്കും.
You might also like
തൃശൂര് മണ്ഡലത്തില് ബി.ജെ.പി. നേടിയ വിജയം ഗൗരവത്തോടെ കാണുകയാണ്. ജനങ്ങളെ ചേര്ത്തു നിര്ത്തി നാടിന്റെ നന്മയ്ക്കും പുരോഗതിയ്ക്കുമായി അടിയുറച്ച നിലപാടുകളുമായി മുന്നേറുന്നതിനുള്ള സമഗ്രവും സൂക്ഷ്മതലത്തിലുള്ളതുമായ നടപടികള് സര്ക്കാരിന്റെ ഭാഗത്തുനിന്നുണ്ടാകും. ഇടതുപക്ഷ ജനാധിപത്യ മുന്നണിക്ക് വേണ്ടി പ്രവര്ത്തിക്കുകയും ഒപ്പം നില്ക്കുകയും ചെയ്ത ജനങ്ങള്ക്ക് നന്ദി രേഖപ്പെടുത്തുന്നു. ജനാധിപത്യം സംരക്ഷിക്കപ്പെടണമെന്ന ഉറച്ച നിലപാടില് ബി.ജെ.പിക്കെതിരെ വോട്ടുചെയ്ത രാജ്യത്താകെയുള്ള സമ്മതിദായകരെ അഭിവാദ്യം ചെയ്യുന്നുവെന്നും മുഖ്യമന്ത്രി പ്രസ്താവനയില് പറഞ്ഞു.
Discussion about this post