ഹാത്റസ് ദുരന്തവുമായി ബന്ധപ്പെട്ട കേസില് നാല് പേരെ യു.പി. പൊലീസ് കസ്റ്റഡിയിലെടുത്തു. സത്സംഗം നടത്തിയ ആത്മീയ പ്രഭാഷകന് ഭോലെ ബാബയുടെ അനുയായികളെയാണ് പൊലീസ് കസ്റ്റഡിയിലെടുത്തത്. ഭോലോ ബാബയുടെ ആശ്രമത്തില് വീണ്ടും പൊലീസ് പരിശോധന നടത്തി. ദുരന്തമായി മാറിയ പരിപാടിയില് രണ്ടര ലക്ഷം പേര് പങ്കെടുത്തെന്ന് പൊലീസ് എഫ്.ഐ.ആറില് പറയുന്നു. ആളുകളുടെ പങ്കാളിത്തം വ്യക്തമാക്കുന്ന വീഡിയോ ദൃശ്യങ്ങളും പുറത്തുവന്നിട്ടുണ്ട്. ഭൂരിഭാഗം ആളുകള്ക്കും നെഞ്ചിലേറ്റ ക്ഷതമാണ് മരണകാരണമായതെന്ന് പോസ്റ്റ്മോര്ട്ടം റിപ്പോര്ട്ടുകള് ചൂണ്ടിക്കാട്ടുന്നു. സംഭവത്തില് ഇതുവരെ 121 പേരാണ് മരിച്ചത്.
You might also like
യു.പിക്ക് പുറമേയുള്ള സംസ്ഥാനങ്ങളില് നിന്നുള്ളവരും പരിപാടിയില് പങ്കെടുത്തിരുന്നു. ഹരിയാനയില് നിന്നുള്ള നാലുപേരും മധ്യപ്രദേശിലും രാജസ്ഥാനില് നിന്നുമുള്ള ഓരോരുത്തരും മരിച്ചവരിലുണ്ടെന്ന് യു.പി. സര്ക്കാര് വ്യക്തമാക്കി. അന്വേഷണത്തില് സംസ്ഥാന സര്ക്കാരിനോടും പൊലീസിനോടും സഹകരിക്കാന് തയാറാണെന്ന് ഭോലെ ബാബയുടെ അഭിഭാഷകന് അറിയിച്ചു.
മൂന്നംഗ ജുഡീഷ്യല് അന്വേഷണ സംഘത്തെ റിട്ടയേര്ഡ് ഹൈക്കോടതി ജഡ്ജി ബ്രിജേഷ് കുമാര് ശ്രീവാസ്തവ നയിക്കും. വിരമിച്ച ഐ.എ.എസ് ഉദ്യോഗസ്ഥന് ഹേമന്ത് റാവു, വിരമിച്ച ഐ.പി.എസ് ഉദ്യോഗസ്ഥന് ഭവേഷ് കുമാര് സിങ് എന്നിവരാണ് സമിതിയിലെ മറ്റ് അംഗങ്ങള്. ഇന്നലെയാണ് സംഭവത്തില് സംസ്ഥാന സര്ക്കാര് ജുഡീഷ്യല് അന്വേഷണം പ്രഖ്യാപിച്ചത്.
Discussion about this post