వరుసగా మూడో సారి భారత ప్రధానిగా ఆదివారం ప్రమాణ స్వీకారం చేయబోతున్న మోడీ కోసం భద్రతా ఏర్పాట్లు కట్టుదిట్టం చేస్తున్నారు. ఢిల్లీ పరిసర ప్రాంతాల్లో నిషేధిత ఉత్తర్వులు అమలు చేస్తూ గగనతలాన్ని ‘నో ఫ్లయింగ్ జోన్’ చేశారు. ప్రసిడెంట్ ద్రౌపతి ముర్ము జూన్ 9 సాయంత్రం 7.15 దేశ ప్రధానిగా నరేంద్ర మోడీతో ప్రమాణం చేయిస్తారు. దీనిని రాష్ట్రపతి భవన్ ప్రసారం చేస్తుంది. కార్యక్రమ ఆహ్వానితుల సమగ్ర వివరాలు తెలుసుకుందాం..
లోకోపైలెట్ అనగా రైలు డ్రైవర్ ఐశ్వర్య మీనన్ కు ప్రధాని ప్రమాణ స్వీకారోత్సవం ఆహ్వానం అందింది. సదరన్ రైల్వేలోని వందేభారత్ కు అసిస్టెంట్ లోకో పైలెట్ ఆమె పనిచేస్తున్నారు. ప్రధాని ప్రమాణ స్వీకారోత్సవానికి సుమారు 8000 మందికి ప్రత్యేక ఆహ్వానితులుగా ఉన్నారని అధికారులు వెల్లడించారు. మీనన్ రెండు లక్షల గంటలు పైగా వందేభారత్, జన్ శతాబ్ది ట్రైన్ల ను నడిపారు. చెన్నై- విజయవాడ, చైన్నై – కోయంబత్తూర్ సర్వీసుల ప్రారంభం నుంచి ఆమె పనిచేశారు.
‘వికసిత్ భారత్ అంబాసిడర్లు’ కూడా హాజరుకానున్నారు. ఇతర ప్రత్యేక అతిథులలో గిరిజన మహిళలు, పారిశుధ్య కార్మికులు, లింగమార్పిడి వ్యక్తులు, సెంట్రల్ విస్టా ప్రాజెక్ట్‌లో పాల్గొన్న కార్మికులు ఉన్నారు. గత ఏడాది ఉత్తరాఖండ్‌లోని ఉత్తరకాశీలో సిల్క్యారా సొరంగంలో కొంత భాగం కూలిపోవడంతో చిక్కుకుపోయిన 41 మంది నిర్మాణ కార్మికులను రక్షించడంలో సహకరించిన ఎలుకల రంధ్రం మైనర్లు కూడా ఆహ్వానాలు అందాయి. అతిథి జాబితాలో బీజేపీ జాతీయ ఆఫీస్ బేరర్లు, నేషనల్ ఎగ్జిక్యూటివ్ కమిటీ సభ్యులు, అవుట్‌గోయింగ్ పార్లమెంటేరియన్లు, జిల్లా అధ్యక్షులు, ఎంపీలు, ఎమ్మెల్యేలు, ఎమ్మెల్సీలు మరియు లోక్‌సభ ఇన్‌ఛార్జ్‌లు కూడా ఉన్నారు. ఇంకా వివిధ మతాలకు చెందిన 50 మంది ప్రముఖ మత పెద్దలను కూడా ఆహ్వానించారు. పద్మవిభూషణ్, పద్మభూషణ్ , పద్మశ్రీ అవార్డు గ్రహీతలతో పాటు సమాజానికి చేసిన సేవలకు మోడీ గుర్తించిన’మన్ కీ బాత్’లో పాల్గొనేవారు కూడా ఈ వేడుకకు విచ్చేయనున్నారు.
ఆసియాలోనే ప్రప్రధమ మహిళా లోకో పైలెట్ సురేఖ యాదవ్ కు కూడా ప్రమాణ స్వీకారోత్సవ ఆహ్వానం అందింది. ఛత్రపతి శివాజీ మహరాజ్ టెర్మినల్ నుంచి షోలాపూర్ వరకు ఆమె వందేభారత్ సెమి- హై స్పీడ్ వందేభారత్ ఎక్స్ ప్రెస్ ను నడుపుతున్నారు. 1988 లో భారత్ లో మొదటి మహిళా లోకోపైలెట్ గా చేరారు. ఇతర ముఖ్యమైన ఆహ్వానితులలో అంతర్జాతీయ ద్రవ్య నిధి IMF మేనేజింగ్ డైరెక్టర్, అన్ని రాష్ట్రాల ముఖ్యమంత్రులు, షారుఖ్ ఖాన్, సంజయ్ భన్సాలీ, కరణ్ జోహార్, కంగనా రనౌత్, రజనీకాంత్, కమల్ హాసన్ వంటి ప్రముఖ నటులు ఉన్నారు. PT ఉష, సైనా నెహ్వాల్, హర్భజన్ సింగ్, రాహుల్ ద్రవిడ్ వంటి క్రీడా ప్రముఖులు, ముఖేష్ అంబానీ, గౌతమ్ అదానీ , రతన్ టాటాతో సహా ప్రముఖ పారిశ్రామికవేత్తలు కూడా ఆహ్వానించబడ్డారు. అదనంగా, పశ్చిమ బెంగాల్‌లో రాజకీయ హింసలో హత్యకు గురైన బిజెపి కార్యకర్తల బంధువులకు మోడీ రెండవ ప్రమాణ స్వీకారోత్సవానికి ఆహ్వానాలు పంపబడ్డాయి.
రాష్ట్ర పతి భవన్ లో వారం వారం జరిగే ఛేంజ్ ఆఫ్ గార్డ్ సెర్మనీని కూడా రద్దు చేశారు. జూన్ 7న రాష్ట్రపతి ముర్ముని మోడీ లాంఛనప్రాయంగా కలుసుకున్నారు. పార్లమెంట్ సెంట్రల్ హాల్ లో సంకీర్ణంలోని ఎంపీలంతా ఎన్ డీఏ పార్లమెంటరీ నాయకుడిగా మోడీని ఎన్నుకున్నారు. రాష్ట్రపతి ముర్ము ప్రభుత్వాన్ని ఏర్పాటు చేయాల్సిందిగా మోడీని కోరారు. జూన్ 7న జరిగిన కార్యక్రమంలో బీజేపీ అధ్యక్షుడు జేపీ నడ్డా మోడీని పార్లమెంటరీ నాయకుడిగా ఎన్నికైనట్లు ప్రకటించారు. భారత దేశానికి వరుసగా మూడో సార్లు ప్రధానిగా జవహర్ లాల్ నెహ్రూ రికార్డు నెలకొల్పగా , ప్రస్తుతం మోడీ కూడా ఆయన సరసన చేరారు. 2024 లో జరిగిన లోక్ సభ ఎన్నికల్లో బీజేపీ నేతృత్వంలోని ఎన్ డీఏ సంకీర్ణం అధిక సీట్లు గెలుచుకోవడంతో మోడీ ప్రధానిగా ప్రమాణం చేయనున్నారు.
Discussion about this post