Solar Eclipse of February 17 2026 ఈ ఏడాది మొదటి సూర్య గ్రహణం 2026 ఫిబ్రవరి 17న (Solar Eclipse 2026 Date) సంభవించనుంది. ఈ సూర్య గ్రహణం మంగళవారం (Tuesday) మాఘ బహుళ అమావాస్య రోజున ఏర్పడనుంది.

ఈ సూర్య గ్రహణం కుంభ రాశిలో ఏర్పడనున్నట్లు పండితులు చెబుతున్నారు. ఈ నేపథ్యంలో సూర్య గ్రహణం 2026 తేదీ, భారతదేశంలో ఈ గ్రహనం కనిపిస్తుందా? లేదా? సూతక కాలం పాటించాల్సిన అవసరం ఉందా? ఏయే దేశాల్లో కనిపిస్తుంది వంటి అంశాలను తెలుసుకుందాం..

Solar Eclipse 2026 February 17 హిందూ సంప్రదాయంలో గ్రహణాలకు విశేషమైన ప్రాధాన్యత ఉంది. ముఖ్యంగా సూర్య గ్రహణానికి విశేషమైన ప్రాముఖ్యత ఇస్తారనే విషయం తెలిసిందే.

సాధారణంగా సూర్య గ్రహణం (Surya Grahanam 2026) ఒక నెలలో, చంద్ర గ్రహణం (Chandra Grahan 2026) మరో నెలలో వస్తుంటాయి. అయితే హిందూ శాస్త్రాల ప్రకారం ఈ సూర్య, చంద్ర గ్రహణాలను అశుభకరంగా పరిగణిస్తారు. ఈ క్రమంలో 2026 ఫిబ్రవరి 17వ తేదీ అమావాస్య + మంగళవారం రోజున ఈ ఏడాదిలో తొలి సూర్య గ్రహణం 2026 (Solar Eclipse 2026) సంభవించనుంది.

ఈ ఏడాది 2026 ఫిబ్రవరి 17వ తేదీ సంభవించనున్న సూర్య గ్రహణం (Surya Grahan 2026) భారతదేశంలో కనిపించదని పండితులు చెబుతున్నారు. కాబట్టి మనకు సూతక కాలం (Sutak Kaal) సైతం వర్తించదు. శుభకార్యాలు సైతం యధావిధిగా నిర్వహించుకోవచ్చు.

ఈ గ్రహణం సమయంలో చంద్రుడు సూర్యుడిని పాక్షికంగా కప్పివేయడం వల్ల భూమిపై సూర్యుడి కాంతి తగ్గుతుంది. అలాగే ఈ రోజున మాఘ బహుళ అమావాస్య కావడం మరో ప్రత్యేకత. ఈ సూర్యగ్రహణం 2026 కుంభ రాశిలో సంభవించనుంది.

ఈ సూర్య గ్రహణం ఫిబ్రవరి 17వ తేదీ మంగళవారం రోజున ఏర్పడనుంది. అంతరిక్ష పరిశోధనా సంస్థ వివరాల ప్రకారం ఈ సూర్య గ్రహణం 2026 పాక్షిక దశతో సుమారు 09:56 UTC ప్రారంభమై.. సుమారు 12:12 UTC గరిష్ట కవరేజికి చేరుకుంటుందని సమాచారం.

అంతే కాకుండా సుమారు 14:27 UTCకి ముగియనున్నట్లు తెలుస్తోంది. అయితే ఫిబ్రవరి 17వ తేదీన ఏర్పడే ఈ సూర్యగ్రహణం 2026 భారతదేశంలో కనిపించదట.

ఏయే దేశాల్లో కనిపిస్తుందంటే

ఈ సూర్య గ్రహణం 2026 పశ్చిమ ఆసియా, నైరుతి యూరప్, ఆస్ట్రేలియాలోని కొన్ని ప్రాంతాలు, ఆఫ్రికాలోని దక్షిణాది దేశాలు, ఉత్తర అమెరికా, దక్షిణ అమెరికా, హిందూ మహాసముద్రం తీర ప్రాంతాల్లో అట్లాంటిక్, ధ్రువ ప్రాంతాల్లో కనిపిస్తుంది.

అమావాస్య + మంగళవారం రోజు

సూర్య గ్రహణం అంటేనే సాధారణంగా అమావాస్య రోజు ఏర్పడుతుంది. కానీ ఈ ఏడాదిలో ఏర్పడే తొలి సూర్య గ్రహణం అమావాస్యతో పాటు మంగళవారం కూడా కలిసి వస్తుంది.

దీనిని కంకణాకార సూర్య గ్రహణంగా పరిగణిస్తున్నారు. ఈ సూర్య గ్రహణం ఆకాశంలో సూర్యుడు చుట్టూ ఇది మండుతున్న వలయంలో కనిపిస్తుందట. దీన్నే రింగ్ ఆఫ్ ఫైర్ అని కూడా అంటారని నిపుణులు చెబుతున్నారు.

గ్రహణం వేళ పాటించాల్సిన నియమాలు

ఈ గ్రహణం మన దేశంలో కనిపించదు కాబట్టి సూతక కాలం పాటించాల్సిన అవసరం ఉండదు. దేవాలయాలు సైతం మూతవేయకపోవచ్చు. గర్భిణీలు సైతం ప్రత్యేక నియమాలు పాటించాల్సిన అవసరం ఉండదు. అయితే సాధారణంగా సూర్య గ్రహణాన్ని నేరుగా చూడటం మంచిది కాదని నిపుణులు హెచ్చరిస్తున్నారు. ఎందుకంటే గ్రహణం సమయంలో సూర్యుడి నుంచి వెలువడే శక్తివంతమైన యూవీ కిరణాలు నేరుగా కళ్లను తాకితే కళ్లకు నష్టం కలిగే ప్రమాదం ఉందని సూచిస్తున్నారు. కాబట్టి నేరుగా సూర్య గ్రహణాన్ని చూడకూడదని అని చెబుతారు. ఒకవేళ ఈ సూర్య గ్రహణాన్ని చూడాలి అనుకున్న వాళ్లు.. టెలిస్కోప్‌లు, బైనాక్యులర్లు లేదా ఆఫ్టికల్స్‌ వంటి వాటిని ఉపయోగించి చూడటం మంచిది. అలాగే.. ఈ గ్రహణం ముగిసే వరకు గర్భణీ స్త్రీలు ఇంట్లోనే ఉంటూ.. తగు జాగ్రత్తలు తీసుకోవాలి. ఈ సమయంలో ఆధ్యాత్మిక చింతన అత్యంత శుభప్రదం.

ముఖ్య గమనిక: ఈ కథనంలోని సమాచారం మత విశ్వాసాలపై ఆధారపడి ఉంది. ఇది కేవలం అవగాహన కోసం మాత్రమే. కొన్ని శాస్త్రాల్లో, కొందరు నిపుణులు పేర్కొన్న అంశాల ఆధారంగా తెలియజేశాము. వీటికి శాస్త్రీయ ఆధారాలు లేవు. వీటిని ఎంత వరకు విశ్వసించాలనేది మీ వ్యక్తిగత విషయం. సమయం తెలుగు వీటిని ధృవీకరించడం లేదు.

Follow for more updates