రుతురాజ్ గైక్వాడ్ నేతృత్వంలోని చెన్నై సూపర్ కింగ్స్ ప్రస్తుతం పది పాయింట్లతో పాయింట్ల పట్టికలో అయిదో స్థానంలో ఉంది. ఈ సీజన్లో ఇప్పటివరకు ఐదు విజయాలు, ఐదు ఓటములను నమోదు చేసుకున్న చెన్నై పది పాయింట్లు సాధించింది. రాజస్థాన్ రాయల్స్ పాయింట్ల పట్టికలో అగ్రస్థానంలో నిలిచి… ఇప్పటివరకు ప్లేఆఫ్ కి అర్హత సాధించిన ఏకైక జట్టుగా నిలిచింది. ఇంకా మూడు మాత్రమే ప్లేఆఫ్ స్లాట్లు మిగిలి ఉండగా…. కోల్ కత్తా నైట్ రైడర్స్ తొమ్మిది మ్యాచుల్లో ఆరు గెలిచి ప్లేఆఫ్ చేరడానికి చాలా దగ్గర్లో ఉంది. ప్లేఆఫ్ బెర్తును ఖాయం చేసుకోవాలంటే కోల్ కత్తా మిగిలిన ఐదు మ్యాచుల్లో రెండు గెలిస్తే సరిపోతుంది.
చెన్నై సూపర్ కింగ్స్ టీముకు ఇంకా నాలుగు మ్యాచులు మాత్రమే మిగిలి ఉన్నాయి. తదుపరి మ్యాచులలో పంజాబ్ కింగ్స్ టీంతో చెన్నై తలపడనుంది. ఆ తర్వాత వరుసగా గుజరాత్ టైటాన్స్, రాజస్థాన్ రాయల్స్, రాయల్ ఛాలెంజర్స్ బెంగళూరుతో మ్యాచులు జరగనున్నాయి. చెన్నై సూపర్ కింగ్స్ ప్రస్తుతం ఐదు విజయాలతో పది పాయింట్లతో ఐదవ స్థానంలో ఉండగా… 16 పాయింట్లు సాధించాలంటే మిగిలిన నాలుగు మ్యాచులలో కనీసం మూడు మ్యాచులు చెన్నై గెలవాల్సి ఉంది. లక్నో, హైదరాబాద్ రెండు జట్లు 12 పాయింట్లతో సమంగా ఉన్నాయి. ప్లేఆఫ్లకు అర్హత సాధించడానికి ఈ రెండు జట్లకు రెండు విజయాలు కావాలి.
రెండు వరుస పరాజయాల తర్వాత వచ్చిన విజయంతో హైదరాబాద్ ప్లేఆఫ్లో స్థానం కోసం తిరిగి పోటీలో నిలిచింది. నాలుగో స్థానంలో కొనసాగుతున్న సన్రైజర్స్ హైదరాబాద్ ప్లేఆఫ్ అర్హత సాధించే మార్గం ఇప్పటికీ అనిశ్చితిగానే ఉంది. హైదరాబాద్ ఈ సీజన్లో ఇంకా నాలుగు మ్యాచులు ఆడాల్సి ఉండగా… ఈ నాలుగు మ్యాచుల్లో… తొమ్మిదో స్థానంలో ఉన్న ముంబై ఇండియన్స్.. మూడో స్థానంలో ఉన్న లక్నో సూపర్ జెయింట్స్, ఎనిమిదో స్థానంలో ఉన్న గుజరాత్ టైటాన్స్, ఏడో స్థానంలో ఉన్న పంజాబ్ కింగ్స్తో మ్యాచులు ఆడనుంది. ఈ నాలుగు మ్యాచుల్లోనూ సన్రైజర్స్ హైదరాబాద్ గెలిస్తే పాయింట్ల పట్టికలో మొదటి రెండు స్థానాల్లో నిలిచి ప్లేఆఫ్ చేరుతుంది. ప్రస్తుతం 6 విజయాలతో 12 పాయింట్లను హైదరాబాద్ కలిగి ఉండగా… సాధారణంగా IPL ప్లేఆఫ్లకు అర్హత సాధించడానికి ఒక జట్టుకు కనీసం 16 పాయింట్లు అవసరం. సన్రైజర్స్ హైదరాబాద్ 16 పాయింట్ల మార్కుకు చేరుకోవడానికి మిగిలిన నాలుగు మ్యాచ్లలో రెండింటిలో విజయం సాధించాలి. అయినా వారి ప్లే ఆఫ్కు అర్హత సాధించడం కొంచెం క్లిష్టంగానే ఉంది. ప్రస్తుతం IPL 2024 ప్లేఆఫ్ రేసులో వివరీతమైన పోటీ ఉంది. తక్కువ స్థానాల్లో ఉన్న జట్లు ఊహించని విజయాలు సాధిస్తే అప్పుడు ప్లే ఆఫ్ రేసు ఇంకా రసవత్తరంగా మారనుంది.
Discussion about this post