పల్లె పండుగ-3.0తో గ్రామీణ ప్రాంతాలకు భారీ ఊతం.. ₹11,085 కోట్ల పనులకు శ్రీకారం

ఆంధ్రప్రదేశ్ వ్యాప్తంగా గ్రామీణ ప్రాంతాల స్వరూపాన్ని మార్చేందుకు ప్రభుత్వం ప్రతిష్టాత్మకంగా చేపట్టిన ‘పల్లె పండుగ 3.0’ కార్యక్రమానికి శ్రీకారం చుట్టింది. నెల్లూరు జిల్లా రామాపురం వేదికగా ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్ కలిసి మొత్తం ₹11,085 కోట్ల అంచనా వ్యయంతో భారీ అభివృద్ధి పనులకు శంకుస్థాపన చేశారు.

పల్లె పండుగ 3.0 – నిధుల కేటాయింపు మరియు ప్రణాళిక ఈ కార్యక్రమంలో కేంద్ర, రాష్ట్ర ప్రభుత్వాలు సంయుక్తంగా నిధులను సమకూరుస్తున్నాయి. రాష్ట్ర ప్రభుత్వం నుండి ₹5,694 కోట్లు, కేంద్ర ప్రభుత్వం నుండి ₹5,391 కోట్ల భాగస్వామ్యంతో గ్రామీణ మౌలిక వసతుల కల్పన సాగుతోంది.

గత రెండు దశల ఫలితాలు (1.0 & 2.0)

పల్లె పండుగ 1.0: 4,000 కి.మీ. సీసీ రోడ్లు, 22,514 పశువుల షెడ్లు, 21,000 వ్యవసాయ పంట కుంటలు నిర్మించి, 64,000 ఎకరాల్లో తోటల పెంపకాన్ని పూర్తి చేశారు.

పల్లె పండుగ 2.0: 2,500 కి.మీ. సీసీ రోడ్లు, 8,300 కి.మీ. బీటీ రోడ్లతో పాటు 86,000 వ్యవసాయ చెరువులు మరియు 82,000 వ్యక్తిగత ఇంకుడు గుంతల నిర్మాణం చేపట్టారు.

ముఖ్య లక్ష్యాలు మరియు ఉపయోగాలురవాణా సౌకర్యం:

• ఉపయోగాలురవాణా సౌకర్యం: మారుమూల తండాల నుండి ప్రధాన రహదారుల వరకు కనెక్టివిటీ పెంచడానికి డొంక రోడ్ల పునర్నిర్మాణం జరుగుతోంది.
• ఉపాధి కల్పన: గ్రామీణ ప్రాంతాల్లో మౌలిక వసతుల పనుల ద్వారా స్థానిక కూలీలకు ఉపాధి పెరిగి, వలసలు తగ్గుముఖం పట్టే అవకాశం ఉంది.
• రైతులకు ప్రోత్సాహం: పశువుల నీటి తొట్టెలు, మినీ గోకులాల ద్వారా పాడి రంగానికి, పంట కుంటల ద్వారా నీటి భద్రతకు ప్రాధాన్యం ఇచ్చారు.