నెతన్యాహు రాజకీయ భవిష్యత్తుపై ఉత్కంఠ..
ఇజ్రాయెల్ రాజకీయాల్లో అనూహ్య పరిణామాలు చోటుచేసుకున్నాయి!ప్రధాని బెంజమిన్ నెతన్యాహుకు ఎన్నికల్లో గట్టి ఎదురుదెబ్బ తగిలింది. అధికార కూటమికి స్పష్టమైన మెజారిటీ రాకపోవడంతో ఇజ్రాయెల్‌లో ప్రభుత్వ ఏర్పాటు ఉత్కంఠగా మారింది.
మొత్తం 120 స్థానాలున్న ఇజ్రాయెల్ పార్లమెంట్‌లో ప్రభుత్వ ఏర్పాటుకు కావాల్సిన మ్యాజిక్ ఫిగర్ 61. కానీ నెతన్యాహు నేతృత్వంలోని అధికార కూటమికి కేవలం 53 స్థానాలే లభించాయి. దీంతో మరోసారి అధికారాన్ని చేపట్టడం నెతన్యాహుకు సవాలుగా మారింది.
ఎన్నికల తుది ఫలితాల ప్రకారం ప్రతిపక్ష కూటమికి 48 స్థానాలు రాగా.. అరబ్ పార్టీలకు మొత్తం 19 స్థానాలు దక్కాయి. ఈ ఫలితాలతో ఇజ్రాయెల్‌లో హంగ్ పార్లమెంట్ పరిస్థితి ఏర్పడింది.అయితే ఇప్పుడు ఇజ్రాయెల్ రాజకీయాల్లో అరబ్ పార్టీల పాత్ర అత్యంత కీలకంగా మారింది. ఎందుకంటే ప్రతిపక్ష కూటమికి ఇప్పటికే 48 స్థానాలు ఉన్నాయి.
అరబ్ పార్టీల మద్దతు లేదా సహకారం లభిస్తే.. ప్రభుత్వ ఏర్పాటుకు అవసరమైన 61 స్థానాల మ్యాజిక్ ఫిగర్‌ను చేరుకునే అవకాశం ఉంది.కానీ అరబ్ పార్టీలతో కలిసి ప్రభుత్వం ఏర్పాటు చేయడంపై ప్రతిపక్షంలోని కొన్ని పార్టీలు అభ్యంతరాలు వ్యక్తం చేస్తున్నాయి. దీంతో ప్రతిపక్షం ముందున్న రాజకీయ సవాళ్లు పెరిగాయి.
మరోవైపు నెతన్యాహు కూడా తన మిత్రపక్షాలను కలుపుకొని ప్రభుత్వాన్ని ఏర్పాటు చేసేందుకు ప్రయత్నాలు చేసే అవకాశం ఉంది. అయితే ఈ చర్చలు ఎంతవరకు సఫలమవుతాయన్నది ఆసక్తికరంగా మారింది. ఒకవేళ ప్రభుత్వ ఏర్పాటుపై ఏకాభిప్రాయం కుదరకపోతే.. ఇజ్రాయెల్‌లో మరోసారి ఎన్నికలు జరిగే పరిస్థితి కూడా తలెత్తవచ్చు.
