മലപ്പുറം ജില്ലയില് പ്ലസ് വണ് പ്രവേശനത്തിന് സീറ്റ് വര്ധിപ്പിക്കാന് മന്ത്രിസഭാ യോഗം തീരുമാനിച്ചു. മലപ്പുറം ജില്ലയിലെ സര്ക്കാര് സ്കൂളുകളില് 30 ശതമാനവും ഏയ്ഡഡ് സ്കൂളില് 20 ശതമാനം സീറ്റുമായിരിക്കും വര്ധിപ്പിക്കുക. സീറ്റ് ക്ഷാമം മൂലം മലപ്പുറത്ത് വിദ്യാര്ഥികള്ക്ക് പ്ലസ് വണ് പ്രവേശനത്തിന് സാധിക്കാത്ത തരത്തിലുള്ള പ്രതിസന്ധി മുന് വര്ഷങ്ങളിലുണ്ടായിരുന്നു. ഈ സാഹചര്യത്തിലാണ് ഇത്തവണ പ്രവേശന നടപടികള് ആരംഭിക്കുന്നതിന് മുമ്പേ സീറ്റ് വര്ധിപ്പിക്കാന് മന്ത്രിസഭാ യോഗം തീരുമാനിച്ചത്.
കഴിഞ്ഞ വര്ഷം മലപ്പുറത്തിന് പുറമെ തിരുവനന്തപുരം, പാലക്കാട്, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളില് സര്ക്കാര് ഹയര്സെക്കന്ഡറി സ്കൂളുകളില് 30 ശതമാനവും എയ്ഡഡ് ഹയര് സെക്കന്ഡറി സ്കൂളുകളില് 20 ശതമാനവും മാര്ജിനല് സീറ്റ് വര്ധന വരുത്തിയിരുന്നു.
Discussion about this post